QUEN SOMOS?

SOS Xardíns Mondariz Balneario é unha plataforma cidadá para a defensa e posta en valor dos Xardíns do Gran Hotel de Mondariz-Balneario, actualmente en risco de recalificación. 

As nosas misións son:

1. A defensa da integridade do conxunto dos Xardíns do Gran Hotel e a aplicación de medidas de protección deste ben patrimonial

2. A reivindicación do uso público do espazo para o lecer

3. A promoción de medidas de posta en valor e mellora de todo o recinto axardinado 

COMO NACEMOS?

O  sábado 14 de xuño do 2014 creouse a Plataforma SOS Xardíns de Mondariz-Balneario. Queríamos agradecer a participación e apoio de todas as persoas que se sumaron xa pois precisamos de toda a axuda posible se queremos conseguir os nosos obxectivos. 

CALES SON OS NOSOS OBXECTIVOS? 

No debate que se creou entre tódolos asistentes ao encontro, houbo moitas intervención expresando diversos opinións, algunhas mais eruditas, outras mais sentidas, unhas dende o coñecemento da historia, da paisaxe ou da cultura, outras dende a reivindicación do uso dun espazo de lecer para todos, pero todas compatibles e complementarias.